Kosova ka regjistruar 33 të infektuar me koronavirus në 24 orët e fundit. Ndërkohë, që 46 persona kanë fituar betejën ndaj COVID-19.
Ministri i Shëndetësisë, Armend Zemaj bëri të ditur se në 24 orët e fundit nuk është shënuar asnjë rast i vdekjes nga koronavirusi.
“Gjatë 24 orëve të fundit nuk ka asnjë rast të vdekjes së pacientëve nga COVID-19, 46 qytetarë e kanë fituar betejën me virusin COVID-19, ndërsa nga 711 testime që janë bërë, pozitiv kanë rezultuar 33!”, shkruan Zemaj në Facebook. Ka.Li/fjala.al
