Presidenti Trump gjatë një interviste tha se ai është shëruar nga koronavirusi dhe pretendon se është “imun” nga sëmundja. Presidenti tha se do të ribashkohet së shpejti në fushatë.
“Po, dhe jo vetëm kaq, duket sikur jam imun” iu përgjigj Trump pyetjes nga Maria Bartiromo në emisionin “Sunday Mornind Futures”.
Shtëpia e Bardhë nuk ka konfirmuar ende se Trump ka rezultuar negativisht për virusin.
“E munda këtë virus të çmendur të tmerrshëm të Kinës … Kam kaluar provën më të lartë, standardet më të larta dhe jam në një formë të shkëlqyeshme. Dhe më duhet t’ju them se ndihem mirë. Ndihem vërtet mirë“, shtoi Trump.
Intervista është një vazhdim i një fushate mediatike virtuale që presidenti ka qenë i angazhuar gjatë kësaj jave.
Këtë pohim Trump e ka rikonfirmuar dhe një herë përmes një statusi në Facebook.
Presidenti thotë se as nuk mund ta marrë koronavirusin (imunitet) dhe as mund ta ngjisë.
/Jo.Be/Fjala.al
Burimi: https://www.foxnews.com/politics/trump-sunday-morning-futures-interview-coronavirus
