Një ngjarje e rëndë nga ndodhur në Maliq të Korçës, ku një person ka tentuar të vrasë për motive të dobëta një 17-vjeçar.
Policia e Korçës ka arrestuar autorin e ngjarjes të shpallur në kërkim.
Kasëm Sardi 54 vjeç ka tentuar të vrasë një 17-vjeçar në datë 5 tetor të këtij viti , duke e goditur me një mjet prerës në kokë .
17-vjeçari është dërguar me urgjencë në spital dhe ndodhet jashtë rrezikut për jetën.
Ndërkohë, në kuadër të kapjes së personave të shpallur në kërkim policia ka vënë në pranga një tjetëër shtetas Enrik Islami, 46 vjeç, i cili ka goditur për motive të dobëta me mjet prerës në këmbë, shtetasin P. M., 28 vjeç, banues në Korçë, i cili pasi ka marrë mjekim në Spitalin e Korçës, është larguar në banesë.
Ngjarja ka ndodhur në datë 08/10/2020, ndërkohë që sot është bërë arrestimi i tij.
Njoftimi i policisë
Shërbimet e Komisariateve të Policisë Maliq dhe Korçë, në vijim të punës për kapjen dhe vënien përpara përgjegjësisë ligjore të personave të shpallur në kërkim për krime të kryera kundër shëndetit dhe jetës së personave, në bazë të informacioneve të siguruara në rrugë policore dhe falë mirëorganizimit bënë të mundur ndalimin e shtetasve të shpallur në kërkim:
- K. S., 54 vjeç, banues në fshatin Këmbëthekër, Maliq, pasi ky shtetas më datë 05.10.2020, në këtë fshat, për motive të dobëta ka tentuar të vrasë një 17-vjeçar, banues në Maliq, duke e goditur me mjet prerës në kokë, i cili pasi ka marrë mjekimin në Spitalin e Korçës është larguar në banesë, në gjendje të mirë shëndetësore.
- E. I., 46 vjeç, banues në Korçë, pasi ky shtetas më datë 08.10.2020, në lagjen nr. 17, për motive të dobëta ka goditur me mjet prerës në këmbë, shtetasin P. M., 28 vjeç, banues në Korçë, i cili pasi ka marrë mjekim në Spitalin e Korçës, është larguar në banesë.
Materialet në ngarkim të tyre i kaluan Prokurorisë të Rrethit Gjyqësor Korçë për veprime të mëtejshme.Te
