Britania e Madhe planifikon të mbyllë shumë shpejt baret, palestrat dhe klabet e natës pasi ratset me Covid-19 po rriten. Mediat vendase raportojnë se kryeministri Johnson do të dalë sot me një vendim përpara qytetarëve.
Boris Johnson shkruajnë mediat, atje të ndalojë qëndrimet gjatë natës në zonat e nxehta me Covid-19, ndërsa do të nxjerrë dhe një urdhër për të gjitha udhëtimet, brenda apo jashtë këtyre zonave.
Kryeministri britanik do të mbajë një takim urgjent sot për të përfunduar më pas detajet me ministrat përpara se të përcaktojë kursin e veprimit për vendin në Parlament.
Johnson pritet t’i drejtohet vendit , së bashku me Kancelarin Rishi Sunak dhe Kryeshefin e Mjekësisë për Anglinë, Profesor Chris Whitty.
Anglia do të ndahet në tre me zona të etiketuara si me rrezik të mesëm, të lartë ose shumë të lartë dhe tituj të tillë do të informojnë publikun dhe zyrtarët për ‘ndërhyrjet e duhura’ të nevojshme. Çdo zonë e kategorizuar në Nivelin 3 – ose me rrezik shumë të lartë – do të shohë masat më të ashpra të vendosura.
Nga e mërkura, qindra klabe dhe bare në Anglinë Veriore janë vendosur të mbyllen për një muaj nën Nivelin 3, sipas The Telegraph. Çdo biznes i cili është i detyruar të mbyllë dyert e tij për publikun thuhet se do të ketë 2/3 e pagave mujore të çdo punonjësi deri në 2,100 £ të paguara nga Qeveria.
