Byroja Kombëtare e Hetmit ka kualifikuar 424 kandidatë, ndërsa 229 të tjerë janë skualifikuar gjatë procesit të aplikimeve.
Kandidatët që u kualifikuan më tej do i nënshtrohen tashmë testit të arsyetimit logjik me shkrim. Ky test zhvillohet më 14 tetor në Pallatin e Kongreseve për gjithë kandidatët e mbetur në garë.
Njoftimi i plotë nga BKH:
Komisioni i Përzgjedhjes në datë 12.10.2020, mbylli procesin e shqyrtimit të aplikimeve fillestare dhe përzgjedhjes së kandidatëve, për fazat e mëtejshme të konkurrimit.
Komisioni i Përzgjedhjes shqyrtoi 653 aplikime, ku u kualifikuan 424 kandidatë dhe 229 kandidatë nuk kaluan në fazën tjetër.
Për të parë listën me kandidatët e kualifikuar, shkarkoni listën e kandidatëve që gjendet në LINK 1, bashkëlidhur.
Kandidatët e kualifikuar, në datën 14.10.2020, do t`i nënshtrohen Testit të Arsyetimit Logjik me shkrim.
Testi i Arsyetimit Logjik do të zhvillohet në Pallatin e Kongreseve, udhëzimet mbi zhvillimin e testit gjenden në LINK 2, bashkëlidhur.
Falenderojmë gjithë aplikantët që shprehën vullnetin për të marrë pjesë në këtë konkurrim.
Pa.Va/Fjala.al
