Aksident me pasojë dy persona të plagosur janë regjistruar ditën e sotme në aksin rrugor Librazhd-Prrenjas.
Aksidenti u shënua pranë Pishkashit, ku një makinë ka dalë nga rruga, prej lagështirës dhe ka përfunduar në një kanal, i mbushur me ujë.
Në automjetin e përfshirë në aksident po udhëtonin nusja dhe vjehrri i saj, të cilët kanë mundur të thyejnë xhamin e makinës dhe kanë dalë prej saj, duke shpëtuar mrekullisht.
Të plagosurit janë Hysen Skordhja dhe Marjana Iljasllari të cilët janë dërguar me urgjencë në spitalin rajonal të qytetit ku po marrin ndihmën e nevojshme mjekësore.
Bluzat e bardha raportojnë se fatmirësisht të plagosurit ndodhen jashtë rrezikut për jetën. Policia e cila ka shkuar në vendin e ngjarjes po punon për zbardhjen e plotë të shkaqeve të aksidentit./Bl.Ba/Fjala.al
