Pallati ku kanë jetuar dy shkrimtarët e njohur Ismail Kadare, Dritëro Agolli dhe kompozotori Feim Ibrahimi ka pësuar një transformim mbreslënës.
Për këdo që kalon në rrugën e “Dibrës” është e pamundur të mos vihet re një pikturë e madhe murale në njërën prej faqeve të pallatit.
Artisti Franko Dine, i njohur në kryeqytet për pikturat e shumta murale ka pikturuar një bibliotekë në nder të tre figurave shqiptare që dhanë kontribut të paçmuar në kulturën e vendit.
Në faqen kyesore të pallatit e cila ka fushpamje të lirë duket qartë një bibliotekë me librat e dy shkrimtarëve dhe një partiturë muzikore në nder të kompozitorit Feim Ibrahimi.
Dine nuk ka anashkaluar as arkitektin Maks Velo, i cili projektoi ndërtimin e këtij pallati në 1972-shin, duke pikturuar edhe një foto të tij në pikturën e madhe murale.
Kadare, Agolli dhe kompozitori Feim Ibrahimi kanë jetuar në këtë pallat për vite me radhë gjatë regjimit komunist, por edhe gjatë viteve të demokracisë.
Pas muzeut vendor, “studios Kadare”, që prej një viti i është shtuar bashkisë së Tiranës, familjarët e Agollit kanë mirëpritur idenë, që shtëpinë e shkrimtarit ta kthejnë në muze. /Ra.My.Fjala.al/
