Zbardhen detaje të reja nga vrasja e Emiljano Ramazanit në Elbasan.
Burime për fjala.al bëjnë me dije se ekzekutimi i Ramazanit është kryer nga Klevis Kapllanaj në bashkëpunim me Nuredin Dumanin të cilët dyshohen të jenë autor të vrasjes së Emiliano Ramazanit më 21 korrik të këtij viti në Elbasani.
Dumani ishte në kërkim për vrasjen e vëllait të Talo Çelës, Bujar Çelës pak kohë më parë teksa u zbulua se ishte po ashtu autor i vrasjes së vëllezërve Besmir e Viktor Haxhiaj, në Durrës, teksa tek kjo e fundit ka ndihmuar pikërisht Talo Çelën t’i vrasë.
Institucioni i akuzës i ka shtrirë hetimet në disa pista, ku sipas burimeve pista kryesore ku janë përqëndruar hetimet është prishja e pazareve të drogës, por nuk përjashtohen as pistat e hakmarrjes për shkak të vrasjeve të shumta që kanë ndodhur vitet e fundit në askin Elbasan-Peqin-Rrogozhinë. Historia nis me vrasjen e vëllezërve Haxhia në Durrës ku Dumani akuzohet se së bashku me vëllain e viktimës, Talo Çela, kanë kryer ekzekutimin e dyfishtë.
Ka dyshime se Dumani është kontraktuar nga 34-vjeÇari Erion Alibej , për të kryer ekzekutimin në shenjë hakmarrje.
Përplasjet kanë nisur në 2018-ën kur u ekzekutuan në një atentat mafioz vëllai i Indrit Alibej së bashku me xhaxhain e tij, edhe në këtë ngjarje dyshohet se është I përfshirë serish Talo Çela. Hetimet janë në vijim dhe sipas burimeve të institucionit të akuzës shumë ngjarje kriminale të ndodhura në qytetij e Elbasanit janë pranë zbardhjes. /Ra.My.Fjala.al/
