Shefja e kabinetit të Prokurorit të Përgjithshëm, Pranvera Pustina ka kaluar me sukses Vettingun.
Ky vendim është marrë sot në KPK, ku prokurorja rezultoi e pastër në të tre shtyllat e vlerësimit, atë të pasurisë, figura dhe integritetit.
Pranvera Pustina ka përfunduar studimet në Shkollën e Magjistraturës në vitin 2011 dhe fillimisht është emëruar prokurore në Prokurorinë e Krujës.
Në vitin 2015, Pustina u transferua në Prokurorinë e Krimeve të Rënda.
Prej janarit 2020 ajo është komanduar në pozicionin e shefes së kabinetit të Prokurorit të Përgjithshëm, Olsian Çela./Bl.Ba/Fjala.al
