Rreth 35 anëtarë të një nëndetëseje bërthamore britanike janë infektuar me Covid-19, pasi ekuipazhi i tyre ka thyer rregullat duke vizituar klube striptizmi.
Gjithçka ka ndodhur pasi disa nga detarët ishin larguar nga baza e Marinës së SHBA-së në Gjeorgji, duke sfiduar urdhrat.
Sipas asaj që raporton The Sun, është bërë e ditur se vetëm një person dhe oficeri ekzekutiv tashmë i infektuar më koronavirus, i njohin kodet për armët bërthamore të ruajtura në nëndetëse.
Detarët kishin kundërshtuar të gjithë urdhrat e prerë për të qëndruar jashtë klubeve të natës, bareve apo restoranteve në Gjeorgji, vend i cili deri tani ka shënuar 318,100 raste me koronavirus dhe 7,282 viktima.
Një person i brendshëm ka deklaruar se pjesëtarët e ekuipazhit janë parë të shkojnë deri në 200 milje larg në një plazh të Florida-s.
Edhe në vitin 2017, Britania ishte përballuar më diçka të ngjashme kur nëntë ushtarakë të një nëndetëseje bërthamore, u larguan nga operacioni duke organizuar festa me drogë dhe janë zbuluar prova se disa prej tyre kanë pasur marrëdhënie seksuale me prostituta.
Pa.Va/Fjala.al
