Gjykata e Korçës ka shfuqizuar masën displinore që është marrë ndaj Zani Caushit, ish-kreu i bandës së Vlorës.
Burime për Fjala.al, bëjnë më dije se 2 ditë më parë (13.08.2020) u mbajtur seanca gjyqësore për masën disiplinore të marrë ndaj tij në 03.04.2020.
Me vendim të këshillit disiplinor të institucionit të ekzekutimit të vendimeve penale Korçë, masa ndaj Caushit është shfuqizuar.
Në muajin prill 2020 ndaj Myrteza Çaushit është marrë masë disiplinore nga Drejtoria e Burgut Drenovë, për shkak të një revolte brenda në burg.
Çaushi ka kundërshtuar masën disiplinore për këtë revoltë duke rënduar situatën e tij.
Ndërkohë “I forti i Vlorës” është në pritje edhe të një seance tjetër për llogaritjen e ditëve të paraburgimit.
Çaushi është i dënuar me burgim të përjetshëm, si ish- kreu i një prej bandave në qytetin e Vlorës, gjatë trazirave të vitit 1997. Ai dhe banda e tij akuzohen për krime monstruoze. /Ra.My.Fjala.al/
