“Laborantja e Laboratorit Bakterologjik në qytetin e Gjirokastrës rezulton e infektuar me Covid-19.
Infektimi i saj ka bërë që të vetëkarantinohet i gjithë stafi i laboratorit deri në marrjen e përgjigjes së tamponit për koronavirusin.
Janë bërë gjithsej 40 tamponë për familjarët dhe kolegët e të infektuarës, me qëllim parandalimin dhe infektimin e të tjerë personave.
Kujtojmë që në Gjirokastër gjatë 24 orëve të fundit kanë rezultuar pozitivë 10 persona.
Në vendin tonë gjatë 24 orëve të fundit, kanë rezultuar të infektuar 273 persona dhe 5 viktima duke shënuar sërish një rritje të kurbës së infektimeve. /Ra.My.Fjala.al/
