Pandemia/Europa po merr masa të reja

113 563 lexime

124,178FansaPëlqeje

Italia, Franca dhe Sllovenia njoftojnë për shtimin e rasteve të infektimeve dhe marrin masa të reja përballë pandemisë.

Qeveria italiane miratoi një projekt-buxhet prej rreth 40 miliardë eurosh për masa të reja kundër koronës dhe forcimin e ekonomisë së sëmurë.

Qeveria njoftoi se kabineti kishte miratuar si projektligjin e paraqitur nga Ministri i Financave Roberto Gualtieri për vitin buxhetor 2021 edhe buxhetin shumëvjeçar deri në vitin 2023.

Zgjaten kontratat e përkohshme të mjekëve

Planet parashikojnë “një rritje të konsiderueshme të buxhetit” për të mbrojtur shëndetin e qytetarëve dhe stabilitetin ekonomik të Italisë. Rreth katër miliardë euro janë planifikuar për sistemin shëndetësor dhe do të përdoren edhe për zgjatjen e kontratave të përkohshme për 30,000 mjekë dhe infermierë.

Rreth gjashtë miliardë euro do të jepen për shkollat dhe universitetet, katër miliardë euro janë caktuar për ndihmë në sektorët e përfshirë nga kriza e ekonomisë. Përveç kësaj qeveria e qendrës së majtë të Kryeministrit Giuseppe Conte dëshiron të shtojë fondin e veçantë për papunësinë. Shuma të mëdha janë planifikuar për familjet. Po ashtu një reformë tatimore dhe mbështetje për Jugun e varfër të vendit. Sipas raporteve shpenzimet do të financohen pjesërisht përmes borxhit dhe pjesërisht me ndihmën e Bashkimit Evropian.

Francë – shtetrrethim natën

Situata e pandemisë së koronës në Francë po vazhdon të përkeqësohet prej disa javësh. Por për shkak rritjes së numrit të infektimeve të reja brenda 24 orësh me 32.427  raste ditën e shtunë, një vlerë maksimale kjo që nga fillimi i testimit në shkallë të gjerë në Francë, në vend janë vendosur masa shtetrrethimi  për orët e natës.

Gjendja e shtetrrethimit është shpallur për Parisin dhe tetë qytete të tjera më të mëdha dhe nga ora 21:00 deri në 6 të mëngjesit njerëzit lejohen të dalin jashtë vetëm për probleme madhore.

Lexo edhe :  50.000 pikë, LeBron James nuk njeh limite, “The King” hyn në historinë e NBA

Sllovenia heq dorë nga gjurmimi i vargut të infeksioneve

Për shkak të rritjes së shpejtë të numrit të infeksioneve me virusin korona, Ministria e Shëndetit e Sllovenisë e ka ndërprerë gjurmimin e kontakteve të njerëzve që kanë rezultuar pozitivë me korona. Sipas njoftimeve Drejtoritë e Shëndetit nuk janë më në gjendje të përballonjnë numrin e madh të rasteve.

Sidoqoftë ata që pas testimit rezultojnë pozitivë do të vazhdojnë të informohen për infeksionin e tyre nga Drejtoritë e Shëndetit dhe të urdhërohen të hyjnë në karantinë dhe të informojnë personat që kanë qenë në kontakt.

Në Slloveni u bënë të njohura të dielën 726 infeksione të reja me virusin korona, kurse një ditë më parë ishin regjistruar 897 raste. Numri i rasteve aktive në këtë vend me dy milion banorë pothuajse është dyfishuar brenda një jave./DW/

la.mi/Fjala.al

 

Të fundit

Ukraina ka nevojë për të gjitha armët që mund të dërgojmë

Shtetet anëtare duhet të ndalojnë grindjet për çështje të parëndësishme – dhe një qëndrim më i vendosur kundër shteteve...

U hetua për shpërdorim detyre/ GJKKO pushon çështjen për kryetarin e Bashkisë Lezhë

TIRANË- Gjykata e posaçme  pranoi kërkesën e SPAK dhe pushoi çështjen ndaj kryetarit te bashkisë se Lezhës Pjerin Ndreu, i cili u hetua për veprën...

Veliaj letër urimi mësuesve: Padyshim që do të vij i ndershëm, kemi punë për të bërë

Kryetari i Bashkisë së Tiranës, Erion Veliaj, nuk ka munguar as këtë vit në traditën e tij të urimit për Ditën e Mësuesit. Pavarësisht situatës...

Votat e diasporës do të ndikojnë mbi së paku 19 deri 20 mandate të Kuvendit të ri

234 mijë shqiptarë të regjistruar për të votuar nga jashtë, ndikimi i votës së emigrantëve pritet të jetë i rëndësishëm në 19-20 mandate, me...

‘Oqeani’ sipas Trump apo Roosevelt?

Në pritën e Zyrës Ovale të Volodymyr Zelensky të premten e kaluar, lideri ukrainas, i fyer nga nënpresidenti JD Vance, tha: “Shumë pyetje... Të...

Lajme të tjera

Web TV