Një person i vdekur është gjetur sot në Tiranë. Burime policore bëjnë me dije se bëhet fjalë për një endacak, ende të paidentifikuar.
Ngjarja ka ndodhur rreth orës 13:01, në rrugën “Mine Peza”, ku në një objekt të braktisur është gjetur pa shenja jete një shtetas endacak ende i paidentifikuar.
Nga hetimet paraprake bëhet me dije se në trupin e viktimës nuk konstatohen shenja dhune, çka ngre dyshimet se mund të ketë ndërruar jetë si pasojë e ndonjë arresti kardiak.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e plotë të rrethanave të ngjarjes./Bl.Ba/Fjala.al
