Janë mbyllur edhe sfidat e tjera të Champions League për mbrëmjen e sotme.
Real Madrid ka zhgënjyer sërish në këtë kompeticion aty ku vite më parë dominonte si askush tjetër. “Los Blancos” janë ndalur nga Borussia Monchengladbach në Gjermani, duke marrë kështu barazim pas humbjes me Shakhtar. Golave të Thuram në pjesën e parë dhe të dytë ju përgjigjën Benzema dhe Casemiro respektivisht në minutat 87’ dhe 93’. Ky barazim lë kryesues Shakhtarin me 4 pikë ndërkohë që Inter dhe Gladbach kanë nga 2 pikë. Madrilenët janë në vend të fundit me 1 pikë.
Atalanta dhe Ajaxi u ndalën në barazim 2-2. Ajax e mbylli pjesën e parë në avantazh 0-2, por në të dytën Zapata vendosi ekuilibrin me dygolëshin e tij.
Liverpool mposhti 2-0 Midtjyllandin me golat e Diego Jotta dhe Mohamed Salah. Ndërkohë sfidat e tjera të orës 21:00 u mbyllën me këto rezultate:
- Atletico Madrid 3-2 Salsburg
- Porto 2-0 Olympiacos
- Marseille 0-3 Manchester City
Pa.Va/Fjala.al
