21,994 raste të reja me Covid-19 dhe 221 viktima janë shënuar gjatë 24 orëve të fundit në Itali.
Rajoni me numrin më të lartë të të infektuarve është sërish Lombardia, ku u regjistruan 5,035 raste të reja, e ndjekur nga Piemonte (2,458), Campania (2,761) dhe Lazio (1,993).
Ndërkohë, presioni mbi njësitë e kujdesit intensiv po rritet. Edhe 127 pacientë të tjerë raportohet t’i jenë shtuar këtij pavijoni. Ndërsa, në total, numri shkon në 1,411. Gjatë këtyre orëve janë kryer 174,398 testime.
Kujtojmë se ditën e djeshme janë shënuar 141 viktima dhe 17.012 raste të reja.
Pa.Va/Fjala.al
