Kreu i grupit parlamentar të PS-së, Taulant Balla ka përshëndetur qëndrimin e sekretarit amerikan të Shtetit, Mike Pompeo për mesazhet e tij në Forumin Ballkanik kundër Anti-Semitizmit.
Balla thekson se ruajtja e hebrenjve nga nazistët ishte një çështje nderi kombëtar. Duke qëndruar në këtë linjë Balla thekson se kjo do të thotë të jesh shqiptar.
“Faleminderit Sekretari amerikan i Shtetit, Mike Pompeo për mesazhin tuaj në Forumin Ballkanik kundër Anti-Semitizmit.
Ruajtja e hebrenjve nga tmerret e nazizmit nuk ishte thjesht një akt i jashtëzakonshëm heroizmi gjatë Luftës së Dytë Botërore, por një çështje e nderit kombëtar, duke qëndruar në këmbë për atë që do të thotë të jesh shqiptar!”, shkruan Balla teksa ka shpërndarë mesazhin në Twitter të Pompeos.
Thank You ??@SecPompeo for your participation and message #GreatHistoricEvent https://t.co/xtxBmQ7u5o Saving the Jewish from the horrors of Nazism was not simply an exceptional act of heroism during WWII,but a matter of national honor,standing up for what it means to be Albanian! https://t.co/vqLzXnAkGj
— Taulant Balla (@taulantballa) October 29, 2020
