Gjatë samitit i cili u zhvillua online me krerët e shteteve Europiane, Kancelarja gjermane Angela Merkel u bëri thirrje që të izolohen sërish pasi sipas saj kjo është mënyra e vetme për të thyer pandeminë.
“Ne duhet ta kishim bërë më herët”, mësohet të jetë shprehur kancelarja gjermane sipas mediave të huaja.
“Sonte po diskutoj situatën e COVID-19 me udhëheqësit e BE. Qytetarët me të drejtë janë të shqetësuar dhe të lodhur. Por na duhet durim, disiplinë dhe solidaritet për të ngadalësuar përhapjen e këtij virusi”, u shpreh Presidentja e Komisionit Ursula von der Leyen.
“E gjithë Evropa është në syrin e stuhisë. Ne duhet të përballemi së bashku me këtë krizë”, tha Kryeministri belg Alexander de Croix.
Franca, e cila dje shpalli një bllokim të përgjithshëm të paktën deri më 1 dhjetor, njoftoi sot 47 637 raste të reja të konfirmuara, në krahasim me 36.437 dje. Numri i përgjithshëm i infeksioneve arriti në më shumë se 1.28 milion, ndërsa numri i të vdekurve u rrit me 235, me 36.020 vdekje në total.
Numri i njerëzve të pranuar në spitale me virus ka rënë në 976 sot, pas tre ditësh radhazi me rreth 1,200 pranime në ditë. Aktualisht, 21,183 njerëz janë duke u trajtuar me Covid-19, ndërsa numri i njerëzve në njësitë e kujdesit intensiv është rritur në 3,156. Ri-karantina në Francë do të shkaktojë një rënie të aktivitetit ekonomik me rreth 15%, vlerësoi sonte Ministri i Financave Bruno Le Mer.
Ndërkohë, në Gjermani, ku u vendos bllokim i pjesshëm, qeveria vlerëson se do të hedhë 10 miliardë euro në ekonomi vetëm për të mbështetur bizneset e prekura nga masat kufizuese.
Pa.Va/Fjala.al
