Kryeministri Edi Rama ka publikuar ditën e shtunë një foto me bashkëshorten Linda dhe djalin Zaho nga Tropoja.
Rama shfaqet i veshur sportiv, i ulur pranë Zahos së vogël dhe bashkëshortes së tij. Ai shkruan se qeveria do vazhdojë ta mbështesë zhvillimin e kësaj zone.
“Në bujtinën tradicionale të Kolë Gjonit, një shembëlltyrë e pasionit për punën në mes të një spektakli magjepsës të natyrës, ku Kola bashkë me gruan e djemtë presin e përcjellin vizitorë shqiptarë e turistë të huaj, duke e ndërtuar suksesin prej vitesh pa lëvizur nga vendi, teksa të tjerë po kthejnë sytë çdo vit e më shumë kah Valbona, me projekte interesante e me dëshirën për ta zbuluar këtë thesar mahnitës të Shqipërisë, ndërkohë që ne vazhdojmë të investojmë për ta mbështetur këtë zbulim me infrastrukturë, modele zhvillimi si Qendra e Re Turistike, financime direkte për bujqësinë, blegtorinë, bujtinat, si edhe zgjidhjen e problemit të vjetër të pronësisë”, shkruan kryeministri.
Nuk mungon as respektimi i masave anti-covid, ku çifti kryeministror kanë vendosur maskën, ndërsa Zaho shfaqet i buzëqeshur pranë prindërve.
Pa.Va/Fjala.al
