Ministri i Shëndetësisë në Itali, Roberto Speranza është shprehur se Italia ka 48 orë për të ulur rastet me Covid.
Mediat italiane raportojnë se Speranza ka hedhur si mundësi që të limitohet lëvizja e personave që janë mbi 70 vjeç. Sipas asaj që u shpreh ministri i shëndetësisë, situata me infektimet në Itali është në gjendje kritike.
Ditën e sotme ( e dielë) në një konferencë për shtyp, ai është shprehur se nëse rastet nuk ulen do të merren masa të reja anti-Covid edhe më të ashpra për të bërë të mundur uljen e rasteve
Pritet që Italia të prezantojë masa të tjera kufizuese në ditët në vijim.
Kujtojmë që deri më tani 38,618 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 679,430.
la.mi/Fjala.al
