Deputetja socialiste Elona Gjebrea ka humbur babain ditën e martë.
Lajmin e trishtë e ka bërë me dije vetë deputetja me anë të një statusi në rrjetet sociale, duke i dedikuar fjalë prekëse. Ajo thotë se do ta kujtojë gjithmonë si një baba model, gjysh shembullor dhe bashkëshort ideal.
“Me hidhërim të thellë, ju njoftoj për humbjen e babait tim, Shpëtim Gjebrea, babait model, gjyshit shembullor e bashkëshortit ideal. Kështu do ta kujtoj gjithmonë babain e shtrenjtë e të dashur. Sa shumë do na mungosh babush. Bota pa ty do jetë tani më e vogël”, shkruan Elona Gjebrea krah fotos së të atit.
Pa.Va/Fjala.al
