Vin Diesel përmes këngës së tij të re “Days Are Gone” falenderon Paul Walker duke e quajtur atë inspirimin e tij që e bëri të këndoj.
Vin Diesel dhe Paul Walker janë ndër dyshja më e preferuar në filmin “Fast and Furious”.
Sipas raportimeve nga Daily Mail, pasi Walker ndërroi jetë, Diesel duket se ka gjetur inspirimin adekuat për të filluar me projekte muzikore.
Disa ditë më parë ai lançoi këngën “Days Are Gone”, në të cilën përmendi edhe kolegun e tij të ndjerë.
53-vjeçari në një intervistë për People ka treguar për tranzicionin e tij prej filmave në muzikë.
“Më kujtohet në Londër kur Paul thoshte se njerëzit janë të koncentruar kur ti këndon. Mos u ndal së kënduari, ti e di që ke diçka speciale”, është shprehur ai.
Gjatë viteve, Diesel si këngëtar bëri për vete një mori fansash të famshëm, duke përfshirë Kygo (i cili regjistroi ” Days Are Gone ” dhe “Feel Like I Do” të Diesel, Martin Garrix, Steve Aoki , Marc Anthony dhe Queen Latifah etj.
Ai po ashtu pati rastin të përmend se nuk mund të fokusohet në maksimum për prurjet e tij, për shkak të pandemisë së koronavirus./Bl.Ba/Fjala.al
