Kryetarja e “Lëvizjes për Ndryshim” Jozefina Topalli ka hedhur poshtë mundësitë për një koalicion me LSI-në në zgjedhjet e vitit 2021.
Topalli e ka përjashtuar një mundësi të tillë, duke thënë se kur flet për 3 kryetarët e partive që kanë marrë peng vendin, fut në këtë listë edhe Kryemadhim.
“E përsëris edhe një herë, që unë jam shumë e qartë. Vendi ynë ka nevojë për t’u çliruar nga tre kryetarët dhe 25 prilli do të japë një përgjigje ndaj tre kryetarëve që mbajnë peng këtë vend”, tha Topalli.
Më herët, ka qenë kryetarja e LSI-së, Monika Kryemadhi ajo që i ka hapur derën një koalicioni me “Lëvizjen për Ndryshim”, por që tashmë ka marrë përgjigjen e prerë.
Pa.Va/Fjala.al
