Kastrioti ka befasuar Partizanin në “uverturën” e këtij sezoni të Kategorisë Superiore, duke e mundur kampionen e para dy sezoneve me rezultatin 2-1. Krutanët treguan grinte dhe në minutën e 20-të shënuan me anë të brazilianit David.
Një 11-metërsh në pjesën e dytë i barazoi shifrat, pasi Asani u tregua i saktë nga pika e bardhë. Por, në fund ishte Rezi që me një gol mjaft të bukur i dha goditjen finale skuadrës së Ilir Dajës dhe kështu Kastrioti e nis kampionatin me tre pikë.
Kështu, Kastrioti ka mposhtur me rezultatin 2-1 Partizanin, në ndeshjen e javës së parë të Kategorisë Superiore. Në stadiumin e Kamzës, u zhvillua një ndeshje e bukur nga fillimi deri në fund, ku nuk munguan rastet nga të dyja skuadrat. Krutanët kaluan të parët në epërsi, më anë të Da Silvas, i cili pasi përfitoi nga një gabimi Belicës në mesfushë, u nis drejt portës së Hoxhës dhe pasi kaloi këtë të fundit, ia arriti ta dërgojë topin në fundin e rrjetës.
Pas kësaj, Partizani u mundua të reagojë, por pa sukses, duke shkuar në dhomat e zhveshjes në disavatazh. Pjesa e dytë nisi disi më mirë për skuadrën e trajnerit Ilir Daja, që gjeti golin e barazimit në minutën e 65-të, pas një 11-metërshi të fituar nga Asani e të shndërroi në gol po nga ai.
Kur Partizani po kërkonte golin e epërsisë, është Kastrioti që e gjen atë, teksa Rezi finalizoi mjaft bukur një aksion të skuadrës së tij në minutën e 87-të, duke u dhënë fitoren krutanëve.
Pa.Va/Fjala.al
