Kryeministri Rama ka publikuar një video në ‘Facebook’ nga takimet e Bashës në Durrës, duke i thënë se po bëhet qesharak.
Në këtë video Basha thotë se familjet nuk kanë marrë asnjë ndihmë pas tërmetit të 26 nëntorit 2019. Nga ana tjetër, Rama thekson se familjet që takon Basha janë eksponentë të PD-së dhe nuk është e vërtetë që s’kanë marrë ndihmë.
“Eh mër Lul mër Lul, mirë ti që fle gjumë në këmbë po ata që të çojnë tek “hallexhinjtë” pse të bëjnë qesharak xhanëm me këta që të nxjerrin në pritë”, shkruan Rama.
Rama e ironizoi edhe më herët Bashën ku nga Durrësi deklaroi se kryedemokratit Basha shpeshherë ka dalë blof në takimet me qytetarët. Ai deklaroi se Basha nuk e merr mundimin as të fshehë provat dhe ta bëjë takimin më të besueshëm.
Pa.Va/Fjala.al
