Ministrja e Mbrojtjes, Olta Xhaçka ka uruar Presidentin e ri të SHBA, Joe Biden duke u shprehur e bindur se marrëdhëniet me vendin tonë do të forcohen.
“Urime Joe Biden dhe Kamala Harris! Mes vendeve e popujve tanë ka një miqësi e partneritet që nuk njeh kah, por gëzon mbështetjen e të gjithë spektrit politik. Jam e sigurt që nën lidershipin e Joe Biden, kjo marrëdhënie veç do të forcohet e konsolidohet më tej”, shkruan Xhaçka.
Më herët reagoi edhe Kreu i Grupit Parlamentar, Taulant Balla, i cili u shpreh demokracia amerikane është model dhe sipas tij, nuk mund të vihet në diskutim.
Joe Biden pritet t’i drejtohet popullit amerikan për herë të si President, pasi fitoi zgjedhjet ndaj Donald Trump ditën e shtunë. Ai fitoi në Pensilvani dhe në Nevada duke arritur në 293 vota elektorale.
Pa.Va/Fjala.al
