Bashkëshortja e Joe Biden, Jill Biden ka publikuar foton e parë pas fitores në zgjedhjet e SHBA.
Tashmë ata do të jenë çifti i ri presidencial dhe kjo do të mbahet mend si fotoja e parë e tyre.
Të qeshur dhe të lumtur, ata mbajnë në dorë një banderolë që shkruan ‘’Dr.& Joe President Biden jetojnë këtu’’.
Po ashtu ajo shkruan sipër fotos për Biden se ‘’Do të jetë President për të gjithë familjet tona’’.
77-vjeçari do të jetë presidenti më i madh në moshë në historinë e Shteteve të Bashkuara.
Ai ka thyer rekordin e mëparshëm që mbahej nga ish-presidenti Barack Obama, për numrin më të madh të votave popullore.
Kjo është hera e tretë që Biden kandidon për president.
U deshën disa ditë që të shpallej rezultati pas një beteje të ashpër në disa shtete, por ka qenë Pensilvania që ka vulosur fatin e zgjedhjeve.
Trump ka qenë mosbesues ndaj rezultatit edhe pasi shanset për fitoren e një mandati dytë qenë zbehur./Bl.Ba/Fjala.al
