Moto GP/ Franko Morbideli më i shpejti në provat zyrtare, e shtuna ditë “jo” për “Suzuki”-n

113 563 lexime

124,178FansaPëlqeje

Zhgënjen piloti i “Suzuki”-t dhe pretendenti për titull, Joan Mir. Një tjetër ekskluzivitet i Rrjetit të Radio-Televizionit Shqiptar është edhe Kampionati Botëror i Motoçiklizmit, aty ku të dielën do të zhvillohet gara e parafundit e sezonit, ajo e Çmimit të Madh të Valencias.

Franko Morbideli do të niset i pari të dielën, pasi triumfoi të shtunën në provat zyrtare.
Do të jetë piloti i skuadrës kliente të “Jamaha”-s, “Petronas”-it, Franko Morbideli ai që do të niset i pari të dielën në Çmimin e Madh të Valencias në MotoGP, teksa kryesuesi i renditjes së përgjithshme të pilotëve, Joan Mir, nuk arriti të siguronte më tepër sesa vendi i 12-të, pas rivalit Fabio Kuartararo.

E shtuna ishte një ditë “jo” për skuadrën e “Suzuki”-t, pasi piloti tjetër dhe rivali tjetër për titull, Aleks Rins, do të niset nga vendi i 14-të të dielën.

Një shi i lehtë i përshëndeti garuesit në nisje të provave zyrtare, por, në një betejë të ethshme, Vinjalesi regjistroi një kohë të shpejtë me 1 minutë, 30 sekonda e 645 të mijëtat, por shpejt u parakalua nga Xhek Milleri i skuadrës kliente të “Dukati”-t, “Pramak”-ut, që e uli në 1 minutë, 30 sekonda e 287 të mijëtat.

Por as kjo kohë e mirë nuk mundi ta ndalte Franko Morbidelin të pilotonte “Jamaha”-n drejt një kohe prej 1 minutë, 30 sekonda e 191 të mijëtat.

Duke siguruar, për herë të dytë këtë sezon, nisjen nga vendi e parë në garën e së dielës me një epërsi prej vetëm 96 të mijëtat e sekondës. Krahas Morbidelit dhe Millerit, radhën e parë të nisjes do ta plotësojë Taka’aki i “LCR Honda”-s, ndërsa në radhën e dytë do të rreshtohen Johan Zarko, Pol Espargaro dhe Maverik Vinjales.

Lexo edhe :  Igli Tare në “çatinë” e botës, ish-sulmuesi kuqezi ka vendosur bastin e karrierës

Rreshtin e 3-të do ta plotësojnë Aleiks Espargaro, Françesko Banjaja dhe Bred Binder, kurse 10-shen e të parëve do ta plotësojë Migel Oliveira.

l.m/fjala.al

Të fundit

Studimi/ Pse të rinjtë nuk duan të martohen më?

Dikur martesa ishte qëllimi përfundimtar i çdo lidhjeje. Sot? Jo më. Brezi i ri po sheh martesën me sy...

Tiranë-Rinas, me tren për 20 minuta/ Linjat hekurudhore do të nisin operimin në 2026-ën

Teksa Ministria e Infrastrukturës dhe Energjisë synon të japë me koncesion operimin e trenave të pasagjerëve në rrjetin kombëtar hekurudhor, janë bërë me dije...

Përmbytjet në Rumani kërcënojnë një nga minierat më të mëdha të kripës në Evropë

Përmbytjet e mëdha, të shkaktuara nga reshjet e dendura të shiut, që goditën Rumaninë të enjten kërcënojnë të shkatërrojnë minierën e kripës Pride, e...

Cilat vende kanë pensionet më të larta dhe më të ulëta në Evropë?

Pensionet janë burimi kryesor i të ardhurave për të moshuarit në Evropë, sipas raportit të OECD-së “Pensionet në një vështrim 2023”. Në shumë vende evropiane,...

Antimafia italiane trajnime Policisë shqiptare për krimin me kriptomonedha

Drejtori i Drejtorisë së Hetimit Antimafia të Italisë (DIA), Gjeneral Lejtnant Michele Carbone, zhvilloi një vizitë zyrtare në ambientet e Policisë së Shtetit, ku...

Lajme të tjera

Web TV