Tubim mbështetjeje për Trumpin në Uashington

113 563 lexime

124,178FansaPëlqeje

Mijëra mbështetës të presidentit amerikan, Donald Trump, po mblidhen në Uashington për të shprehu përkrahje ndaj pretendimeve t tij – deri më tash të pabazuara – për mashtrim të votuesve në zgjedhjet presidenciale të 3 nëntorit.

Grupet e ekstremit të djathtë dhe anti-qeveritar duke përfshirë “Proud Boys” (Djemtë Krenarë), Oath Keepers dhe QAnon e kanë konfirmuar pjesëmarrjen në protesta, raporton BBC.

Një numër demostratash janë planifikuar të zhvillohen gjatë ditës, një prej tyre e titulluar “Një Milion për MAGA” (fraza e presidentit: E bëjmë Amerikën Përsëri të Madhërishme); një demonstrim i “Grave për Trumpin” si dhe një protestë me titullin “Mjaft me Vjedhje”.

Tubimet e së shtunës janë reklamuar nga figura të medias konservatore si dhe organizata të nacionalistëve të bardhë dhe pritet të përballen nga demonstrata rivale me protestues të grupeve anti-raciste dhe organizatave të majta, transmeton Zëri i Amerikës.

Organizata e ekstremit të djathtë “Proud Boys” (Djemtë Krenarë) tha se disa anëtarë të saj do të marrin pjesë dhe se Alex Jones, personalitet mediatik i portalit me teori konspirative “Infowars” do të kryesojë një autokolonë nga Teksasi që do të marrë pjesë në demonstrimin “Mjaft me Vjedhje”.

Të premten, presidenti komentoi në Twitter: “Të ngrohet zemra kur sheh një mbështetje të jashtëzakonshme, sidomos me tubimet që po organizohen në të gjithë vendin, përfshirë demonstrimet e mëdha në Uashington të shtunën. Ndoshta do të dal t’i përshëndes”.

Sipas mediave amerikane, demokrati Joe Biden i ka fituar zgjedhjet e 3 nëntorit. Biden ka kaluar pragun prej 270 votash sa i duhen një kandidati në Kolegjin Zgjedhor.

Megjithatë Trump, deri më tash, nuk e ka pranuar humbjen. Ai ka nisur një sfidë ligjore në disa shtete dhe ka bërë akuza të pabazuara për mashtrim të gjerë zgjedhor – por përpjekjet e tij deri më tani kanë qenë të pasuksesshme.rel

Lexo edhe :  Trump-Witkoff, zbulohet “projekti i madh” për të ardhmen e Gazës

l.m/Fjala.al

Të fundit

U dëmtua në stërvitje, zbulohet sa do të mungojë Jashari te Milani

Ardon Jashari do të qëndrojë jashtë fushave për disa muaj. Mesfushori shqiptar, i transferuar për 39 mln euro te Milani...

Gjenden 70 trupa të djegur në mes të shkretëtirës

Autoritetet amerikane kanë nisur një hetim pas zbulimit të të paktën 70 grumbujve me mbetje njerëzore të djegura në një zonë të shkretëtirës pranë...

“Mediat sociale po marrin kontrollin e informacionit”

Agjensia e lajmeve Reuters ka publikuar raportin e lajmeve digjitale për vitin 2025. Raporti i këtij viti publikohet në një kohë pasigurie të thellë...

Kur do largohet nga kombëtarja? Messi jep sinjalet e para…

Lionel Messi, tashmë 38 vjeç, po i afrohet fundit të karrierës së tij si futbollist, dhe së fundmi ka konfirmuar se po mendon realisht...

Zelensky: Trump duhet të përfshihet në bisedimet për garancitë e sigurisë

Bisedimet mbi garancitë e sigurisë së Ukrainës duhet të ngrihen menjëherë midis udhëheqësve , përfshirë Presidentin e SHBA-së Donald Trump , tha Volodymyr...

Lajme të tjera

Web TV