Një këpucë elegante e bardhë, që i përkiste Mari Antonetës, prej mëndafshi dhe lëkure keci, do të shitet sot në ankand në Versajë, pranë Parisit, njoftoi shtëpia e ankandeve ”Osenatlles”.
Me një çmim fillestar prej 8 000 deri në 10 000 euro, këpuca e mbretëreshës është ndër pjesët më origjinale të shitjes, me titull “Mbretëresha e Versajës”, së bashku me pikturën “Molieri i ftuar në tryezën e mbretit Diell” nga Françis Jean Garneray, një tablo e rrallë që tregon Luigjin XIV së bashku me shkrimtarin e njohur, babai i gjuhës frënge. Kjo tablo është vlerësuar rreth 40 000 – 60 000 euro.
