Policia e Tiranës ka vënë në pranga një 31-vjeçar i kërkuar nga drejtësia italiane, për veprat penale “Grup kriminal” dhe “Trafikimi i lëndëve narkotike”.
Operacioni policor i koduar “Befasia” çoi në pranga shtetasin E. P., 31 vjeç, banues në Tiranë.
Ndalimi i tij u bë në ambientet e një lokali në zonën e Unazës së Re.
“Ky shtetas ishte shpallur në kërkim ndërkombëtar nga autoritetet italiane, pasi Gjykata e Milanos ka lëshuar urdhrin e arrestit ndërkombëtar duke caktuar masën e sigurisë “Arrest në burg”, për veprat penale “Grup kriminal” dhe “Trafikimi i lëndëve narkotike”, për të cilat maksimumi i dënimit është 30 vite”, njofton policia.
Interpol Tirana, në bashkëpunim me Interpol Romën, vijon veprimet për ekstradimin e këtij shtetasi drejt Italisë./Bl.Ba/Fjala.al
