Autoritetet kurde në Siri kanë vendosur lirimin e mijëra personave që mbahen brenda kampit Al-Hol që ndodhet në verilindje të vendit.
Observatori sirian për të drejtat e njeriut, bën me dije se janë të paktën 120 familje me 515 anëtarë që janë liruar të hënën nga kampi. Të larguarit janë kryesisht familje siriane për të cilat është dhënë garanci nga grupet tribale që veprojnë në zonë për mospërfshirjen e tyre në luftime të tjera.
Procesi i largimit nuk u zhvillua i qetë pasi një shtetas sirian që po bashkëpunonte me rojet brenda kampit është qëlluar për vdekje nga një person ende i paidentifikuar. Në këtë kamp ndodhen ende më shumë se 50 shqiptarë të larguar në kohën kur në Siri zhvillime të ashpra, kryesisht janë gra dhe fëmijë që mbahen brenda kampit.
Ndërkaq autoritetet shqiptare, kanë deklaruar më herët se vazhdojnë negociatat për lirimin e tyre. Më 27 tetor u bë i mundur riatdhesimi i katër fëmijëve shqiptarë dhe një gruaje. Ata janë strehuar në qendrën e posaçme ku do të bëhet i mundur rehabilitimi i tyre./Re.D/Fjala.al
