Një adoleshente transgjinore e cila ka lindur me organe gjenitale mashkullore dhe është rritur si djalë ka mbetur shtatzënë pasi ka zbuluar se ajo gjithashtu ka organe funksionale riprodhuese të femrave.
Mikey Chanel, 18-vjeçe, nga Boston Massachusetts, tashmë identifikohet si femër pavarësisht se ishte rritur si mashkull nga familja e saj.
Ndërsa ajo ishte ende në barkun e nënës së saj, testet dhe ekot treguan e Mikey do të lindte një vajzë, gjë që i la mjekët dhe prindërit e saj të tronditur kur ai lindi me organin gjenital të një mashkulli.
Duke folur për mediat e huaja, Mikey tregoi se të gjithë njerëzit e dinin se ajo ishte ndryshe. Në moshën 13-vjeçare ajo pyeti nëse mund të ishte transgjinore, ndërsa vitin e kaluar ajo kishte kaluar testet rutinë tek mjekët kur zbuloi se ajo kishte organe të brendshme riprodhuese të femrave.
“Unë kisha një ndjesi të çuditshme ndërsa urinoja dhe pas seksit, kështu që shkova te mjeku të bëj ultratingujt e traktit tim urinar. Aty më thanë se kisha qafën e mitrës, vezoret, mitrën dhe tubat fallopiane dhe se mund të ngelesha shtatzënë nëse do të doja. Unë në fakt mendova se ishte një shaka. As nuk e kisha menduar kurrë se do të ishte e mundur.”, u shpreh Mikey.
Mikey u diagnostikua me sindromën e vazhdueshme të tubit Müllerian (PMDS), një sindromë kjo e rrallë ku një person ka organe gjenitale të jashtme mashkullore, por organe riprodhuese të grave përbrenda.
Njerëzve të cilët vuajnë nga kjo sindromë u këshillohet që t’i nënshtrohen histerektomisë, pasi kërcënohen për jetën nëse nuk trajtohet.
Por Mikey pasi mësoi se organet e saj riprodhuese mashkullore ishin jopjellore, ajo shpjegoi se nuk mund ta refuzonte shansin të kishte një fëmijë të sajin para se t’i nënshtrohej procedurës.
Njerëzit me PDMS janë të rrezikuar ndaj kancerit dhe tumoreve dhe kryerja e histerektomit zvogëlon rrezikun.
Mike iu nënshtruar një sërë procedure të pjellorisë duke injektuar spermatozoid të dhuruesve dhe tashmë është shtatzënë./r.g/fjala.al
