Kombëtarja Shqiptare ka siguruar kualifikimin në fazën tjetër të Ligës së Kombeve, duke mposhtur Bjellorusinë 3-2.
Kuqezinjtë kanë zhvilluar një super pjesë të parë duke dominuar 3-1 ndaj miqve.
Sfida nisi mirë për skuadrën e Rejas me Sokol Cikalleshin që ka zhyti në rrjetë një kros nga Memolla në minutën e 20‘ duke kaluar në avantazh Shqipërinë. Ky gol i dha qetësi skuadrës që të menaxhonte më mirë ndeshjen.
Pa mbaruar mirë gëzimi për golin e parë, Kombëtarja ka realizuar edhe të dytin. Cikalleshi ekzekutoi në mënyrë perfekte një penallti të fituar nga Manaj. Kështu rezultati shkoi në 2-0 për Kombëtaren në minutën e 27’.
Skavysh në minutën e 35’, përfitoi nga një pozicionim i keq i Ismajlit duke ngushtuar rezultatin, por një supër Rey Manaj shkundir trekëndëshin duke çuar shifrat 3-1.
Në pjesën e dytë loja u duk sikur u përqëndrua më shumë drejt mesfushës ndërkohë që pati drithërima kur Bjellorusia shënoi të dytin dhe ngushtoi rezultatin. Megjithatë Kombëtarja e ruajti mirë rezultatin dhe kështu kualifikohet në fazën tjetër të Ligës së Kombeve.
Pa.Va/Fjala.al
