Të gjithë tifozët e futbollit u tronditën nga vdekja e Diego Armando Maradonës. Teksa të gjithë flasin për legjendën e futbollit, pak vetë e dinë se atij i është bërë edhe një intervistë nga gazetar shqiptar.
Gazetari i njohur sportiv Ervin Petraq Baku, i ka bërë një intervistë Maradonës më 4 korrik 1998 në Marsejë të Francës.
Baku sqaron se Ka qenë në vendin e duhur, në kohën e duhur.
“Lavdi të Madhit Zot dhe falë profesionit… UNË E KAM TAKUAR DIEGO ARMANDO MARADONËN?. Gjatë një konference shtypi (pasqyruar në shtypin sportiv shqiptar të kohës). I kam bërë edhe dy pyetje. Ka ndodhur më 4 korrik 1998 në Marsejë të Francës.
Kam qenë në vendin e duhur, në kohën e duhur. Mbuloja Kupën e Botës Francë 1998. Mëkat që nuk kam mundur ta imortalizoj me një foto atë takim. Ishte koha e jo-teknologjisë së përparuar. I falem nderit? Sport Ekspres-it dhe të madhit Fatmir Mëneri për bashkëpunimin gjatë Botërorit francez!” shkruan Baku në Facebook.
