Policia e Durrësit ka sekuestruar një sasi të madhe lëndësh plasëse gjatë operacionit “Mbikalimi” gjatë ditës së djeshme.
Pasi e kishte vënë në ndjekje, policia ndaloi një vendin e quajtur “Mbikalimi i hekurit” një 47-vjeçar duke kryer ndaj tij fillimisht një kontroll.
Gjatë kontrollit, 47-vjeçarit iu kapën 3.5 kallëpe tritol, si edhe 20 granata ofensive dhe ndezëzat e tyre. Pasi sekuestruan këtë pjesë, policia kreu kontrolle edhe në shtëpinë nga ku ai kishte origjinën, në Kukës duke sekuestruar edhe pjesën tjetër të lëndës plasëse.
Në bashkëpunim me Prokurorinë, Strukturat hetimore të DVP Durrës, po vijojnë punën për zbardhjen e plotë të kësaj veprimtarie kriminale, kapjen dhe arrestimin e personave të tjerë, të përfshirë në këtë veprimtari.
Materialet i kaluan Prokurorisë së Rrethit Gjyqësor Durrës, për veprime të mëtejshme./Bl.Ba/Fjala.al
