Zbulohen detaje të reja nga ekzekutimi i policit në Lezhë. Raportohet se viktima Xhulio Prela ka qenë duke u kthyer nga Aeroporti i Rinasit, kur është ekzekutuar me plumb në zemër në aksin rrugor Milot-Lezhë.
26-vjeçari është ekzekutuar nga një automjet tjetër dhe bëhet e ditur se policia e ka identifikuar dhe po punon për kapjen e autorëve.
Gjatë kontrollit të hetuesve në vendin e ngjarjes janë zbuluar 3 gëzhoja armë zjarri. 26-vjeçari Xhulio Prela ishte me origjinë nga Puka.
“Më datë 05.12.2020, rreth orës 02:20, në Sallën Operative të DVP Lezhë ka ardhur një telefonatë se në aksin rrugor Milot-Lezhë, në Gajush, një automjet ka humb kontrollin dhe ka dalë nga rruga.
Menjëherë kanë shkuar shërbimet e Policisë ku kanë konstatuar në mjetin tip “Volkwagen” shtetasin Xh.P., 26 vjeç, punonjës Policie i FNSH Shkodër, i cili kishte humbur jetën“, njofton policia.
Xhulio Prela ishte me origjinë nga Puka, banonte në Rrilë dhe ishte student në Akademinë e Policisë Tiranë në vitin e 3-të.
Prela ka punuar dy vite në Komisariatin e Policisë Lezhë, ndërsa prej një viti ishte transferuar në FNSH-në Shkodër!/Bl.Ba/Fjala.al
