Sekretari i Përgjithshëm i Partisë Socialiste Taulant Balla ka reaguar lidhur me protestat e dhunshme që kanë përfshirë Tiranën mbrëmjen e sotme.
Përmes një postimi në rrjetin social Facebook Balla deklaron se sa kohë Sali Berisha të drejtojë PD, kjo parti do të ketë vizion rrëmujën, program vandalizmin dhe ekip katrahurën!
Balla i bën thirrje, Lulzim Bashës të dalë mos rrijë fshehur dhe të distancohet nga dhuna.
“Dil dhe distancohu nga dhuna apo s’e ben dot, s’ke faj! Sepse je ti pjese e organizimit te dhunës bashke me Moniken e me Ilirin, teksa dërguat FRPD tende dhe ca nga ata te tiganit te Jales te godisnin me gurë selinë e Partisë Socialiste!”, shkruan Balla.
Gjithashtu Balla ka publikuar edhe foto, ku duket se protestuesit kanë thyer xhamat e hyrjes së selisë së Partisë Socialiste.
Postimi i plotë i Taulant Ballës:
Sa kohë Sali Berisha të drejtojë PD, kjo parti do të ketë vizion rrëmujën, program vandalizmin dhe ekip katrahurën! Lulezim Basha ku je futur? Dil dhe distancohu nga dhuna apo s’e ben dot, s’ke faj! Sepse je ti pjese e organizimit te dhunës bashke me Moniken e me Ilirin, teksa dërguat FRPD tende dhe ca nga ata te tiganit te Jales te godisnin me gurë selinë e Partisë Socialiste!
