Qazim Rasha, i ati i 25-vjeçarit, Klodian Rasha, që u ekzekutua nga policia, ka folur sërish për mediat.
Ai e ka quajtur fasadë ndjesën e policit Nevaldo Hajdaraj, që i vrau djalin.
“Ajo është një fasadë. Është thjeshtë fasadë dhe nuk ka fije kuptimi. Një person, sado edhe me çrregullime mendore, këtë lloj vulgariteti nuk arrin dot që ta mendojë dot ta mendojë, ta imagjinojë, jo ta vendosë në zbatim.
Një punonjës shteti, një punonjës policie, një punonjës rendi që është i detyruar për të ruajtur jetën time, fëmijës tim, fëmijës tënd, ne kërkojmë mbrojtje dhe solidaritet nga cilido. Nëse bëj një gabim unë marr dënimin, fajin që kam, por jo të ndëshkohet me genoncid, makabritet me vulgaritet, është bastarde.”, ka deklarua Rasha për ABC.
Gjatë seancës gjyqësore, 31-vjeçari Nevaldo Hajdaraj ka kërkuar të ishin të pranishëm edhe familjarët e Klodian Rashës, të riut që qëlloi me dy plumba për vdekje pak ditë më parë, në mënyrë që t’ju kërkonte ndjesë publikisht.
Pa.Va/Fjala.al
