Ka qenë një vit i vështirë për punonjësit e kujdesit shëndetësor. Kështu, që kur stafi mjekësor në spitalin e Qendrës Mjekësore të Bostonit, në Shtetet e Bashkuara të Amerikës, morën dozat e para të vaksinës së koronavirusit, nuk mund ta mbanin gëzimin e tyre.
Të veshur me maska dhe mjete mbrojtëse, stafi improvizoi një koreografi në ngjyrat e “Good as Hell”, nga këngëtarja Lizzo jashtë strukturës mjekësore.
Videoja e kërcimit u postua më pas në mediat sociale të Qendrës Mjekësore të Bostonit dhe u bë virale për një kohë të shkurtër në SHBA.
Qendra Mjekësore e Bostonit mori 1,950 doza të vaksinës “Pfizer-BioNTech”. Një mijë punonjës janë gati të marrin injeksionin deri në fund të kësaj jave.
“Ne jemi të entuziazmuar që kemi qenë spitali i parë në Massachusetts që ka marrë vaksinën “Pfizer” dhe jemi gati të fillojmë vaksinimin e profesionistëve tanë të kujdesit shëndetësor,” shkroi spitali në mediat sociale./Bl.Ba/Fjala.al
