Presidenti i Turqisë Rexhep Taip Erdogan, në fjalën e tij të mbajtur për rindërtimin e Laçit, deklaroi se shteti turk u angazhua menjëherë me ndihma, pas tërmetit që goditi Shqipërinë dhe ndihmoi me aq sa mundi.
Erdogan theksoi se Shqipëria është miku dhe partneri i afërt i Turqisë, duke shtuar se gëzimi i shqiptarëve është edhe i turqve.
“Të nderuar vëllezërit e mi të çmuar, ju përshëndesë me ndjenjat më të përzemërta. Me rastin e kësaj ceremonia ndje një kënaqësi që jam me ju. Nëpërmjet jush përshëndes të gjithë Shqipërinë dhe vëllezërit shqiptarë.
Shqipëria është miku dhe partneri i afërt i Turqisë në Ballkan. Ne e shohim gëzimin e popullit shqiptar si gëzimin tonë dhe pikëllimin si pikëllimin tonë.
Pas tërmeteve që ndodhën në Shqipëri mobilizuam mundësitë tona. Pas tërmetit, ne kemi dërguar 4 maune me ndihma humanitare. Pas katastrofës së tërmetit në nëntor ne vendosëm për të ndërtuar shtëpi për vëllezërit tanë shqiptarë.
Pavarësisht pandemisë nënshkruam protokollin e memorandum dhe sot po zhvillojmë ceremoninë për hedhjen themeleve”, u shpreh ndër të tjera Erdogan.
Erdogan tha se projekti kushton 42 mln euro. “Shpresoj që ky projekt që do të kushtojë 42 mln euro shpresoj të jetë i dobishëm. Do të shërbejnë si shenjë e re e miqësisë Shqipëri – Turqi.
Shpresojmë që fazën e parë ta përfundojmë sa më shpejt dhe t’ia dorëzojmë sa më parë vëllezërve tanë që kanë humbur banesat”.
Zona 1 e lagjes së re në Laç financohet nga qeveria turke, zona 2 nga qeveria shqiptare. Zona 1 ka 524 apartamente, 37 njësi shërbimi, 375 vendparkime, qendër tregtare, njësi shërbimi e infrastrukturë sipas standardeve europiane./Bl.Ba/Fjala.al
