Një ngjarje e rëndë ka ndodhur sot në fshatin Zavalinë në Elbasan.
Një 45-vjeçar i identifikuar si Josif Qosja ka terrorizuar banorët e fshatit pasi ka qëlluar disa herë me kallashnikov dhe në mënyrë të pakontrolluar, duke rrezikuar jetën e tyre. Fatmirësisht nuk ka të plagosur apo viktima.
Bëhet me dije se Qosja është një person me probleme mendore, por dhe me precedent penal.
Policia kishte shkuar në banesën e këtij shtetasi me një vendim gjykate për kontroll, pasi kishte pretendime se kryefamiljari mbante armë pa leje dhe qbllonte vazhdimisht në ajër.
Pasi ka parë se pranë banesës janë afruar efektivë të policisë, 45-vjeçari ka qëlluar me armë. Fill pas këtij veprimi ai është larguar nga banesa dhe është fshehur në pyll.
Aktualisht drejt vendit të ngjarjes janë nisur Forcat e Ndërhyrjes së Shpejtë dhe RENEA.
