Kryetari i Bashkisë së Tiranës, Erion Veliaj të shtunën në rubrikën “Opinion” në Neës 24 dha detaje se si do të pritet nata e ndërrimit të viteve në kryeqytet në kushtet e një viti të pazakontë, ku vendi ndodhet në orë policore e cila nis prej 20:30 të mbrëmjes.
Veliaj tha se festa këtë vit nuk do të jetë më e qendërzuar, por do të shtrihet në 11 njësitë administrave të kryeqytetit, për ta sjellë atë në çdo lagje.
“Të gjithë e kuptuam edhe vjet pas tërmetit. Na vjen një fatkeqësi po jeta vijon për hir të fëmijëve. Kemi bërë një propozim festa do shkojë te njerëzit. Do kemi 11 vende publike, ku do të kemi një spektakël fishekazjarresh. Cdo kush do ketë ndjesinë e festës, do shpërndahet në lagjet e Tiranës. Në mesnatë kur hidhen fishekzjarret cdo kush do e shijojë nga ballkoni i vet”, tha Veliaj.
