Detaje të reja janë zbuluar nga ngjarja në Vlorë ku një i ri u ngujua në një dyqan dhe kërcënoi se do e hidhte në erë duke plasur bombulën e gazit.
I riu i identifikuar si Arsen Goga 27 vjeç është me probleme mendore dhe prej disa ditësh ai kurohet nga mjekët. Sot ai u mbyll në dyqan dhe i kërkoi të gjithëve të largohen.
Sipas dëshmitarëve, i riu i cili ka dhjetë ditë që ka dalë nga spitali psikiatrik, kishte halucionacione se do e vrisnin me snajper nga pallati përballë. Pas kërcënimit me bombul, ai kërcënoi sërish me gërshërë për t’u vetëvrarë.
FNSH ndërhyu forcërisht duke shembur derën, hedhur tymuese dhe më pas neutralizuan dhe futën në furgon djalin që alarmoi qytetin bregdetar.
Fatmirësht ngjarja u mbyll pa të lënduar./Bl.Ba/Fjala.al
