Denaj në Elbasan për Fiskalizimin: Formalizon biznesin, të dhënat transmetohen në kohë reale

113 563 lexime

124,178FansaPëlqeje

Procesi i Fiskalizimit do t’i shërbejë bizneseve, formalizimit, leximit më të mirë të të dhënave, si dhe Administratës Tatimore për të përpunuar të dhëna në kohë reale.

Ministrja e Financave dhe Ekonomisë, Anila Denaj, Drejtoresha e Përgjithshme e Tatimeve, Delina Ibrahimaj, si dhe Prefekti i Elbasanit Klevis Xhoxhi zhvilluan në qytetin e Elbasanit, një tryezë konsultimi me përfaqësues të shoqatave të biznesit për procesin e Fiskalizmit që ka nisur që më 1 janar.

Gjatë këtij takimi, ministrja Denaj shprehu rëndësinë që ka reforma e Fiskalizimi, e cila synon zvogëlimin e evazionit fiskal në transaksionet me dhe pa para në dorë. Në procesin e Fiskalizimit, të gjitha transaksionet (faturat) raportohen në kohë reale në Administratën Tatimore.

“Risitë digjitale na ndihmojnë sot për të vendosur përpara disa sisteme, disa protokolle të cilat në gjuhën më të thjeshtë janë pjesë e fiskalizimit. Fiskalizimi është një “Software idea”, që ndihmon edhe bizneset, edhe administratën tatimore të lexojnë të dhënat, të cilat procesohen, si në raport me entet publike dhe bizneset kur ato kanë marrëdhënie me njëra – tjetrën, biznes me biznese kur kanë marrëdhënie nëpërmjet llogarive bankare apo marrëdhënia “cash” me konsumatorin kur ndodh në sportele apo në forma të tjera”, tha ministrja.

Sipas saj, të tri këto marrëdhënie janë pjesë e reformës së fiskalizimit, por meqenëse është një reformë e cila do kohën e saj për t’u kuptuar dhe adaptuar, do të bëhet në disa faza.

Ndërsa Drejtorja e Përgjithshme e Tatimeve, Ibrahimaj, shpjegoi anën teknike të funksionimit të këtij procesi, ku vetëm për janarin sipas saj, procesi i fiskalizimit filloi në rreth 1.200 ente publike dhe 7.600 tatimpagues.

“Deri më sot, janë rreth 354 fatura, të cilat janë lëshuar elektronikisht nëpërmjet softeve apo portalit “Self care”, tha Ibrahimaj.

Lexo edhe :  Euro bie në minimum historik, leku forcohet edhe ndaj monedhave të tjera

Ministrja Denaj dhe kreu i Tatimeve, Ibrahimaj po zhvillojnë një tur takimesh në të gjitha qytetet kryesore të vendit, me shoqatat e bizneseve me përfaqësuesit e tyre me qëllim që të kuptojnë problematikat që mund të kenë bizneset apo barrierat që mund të kenë bizneset për procesin e fiskalizimit.

Të fundit

“Partia Socialiste ishte më demokratike me Fatos Nanon, sesa me Ramën”

KRESHNIK SPAHIU - 12 qershori shënoi 34 vite nga krijimi i Partisë Socialiste, e cila për juristin Kreshnik Spahiu...

Alimehmeti: Sistemi zgjedhor, kurth për garën brenda partisë

Ilir Alimehmeti i cili në zgjedhjet e 11 Majit kandidoi nën siglën e Partisë Demokratike, ka komentuar në emisionin "Real Story" sistemin zgjedhor. Sipas...

Aksident i rëndë në Milot-Thumanë! Makina del nga rruga dhe përfundon në kanal

Një aksident i rëndë është regjistruar mbrëmjen e sotme në autostradën Milot-Thumanë, pranë fshatit Fushë Gjorëm, ku një person ka humbur jetën. Nga të informacionet...

Qeveria e Kosovës: Emigrantët do paguhen 120 euro në muaj

Qeveria në detyrë e Kosovës ka miratuar një vendim për të realizuar kërkesën e presidentit amerikan Donald Trump lidhur me pranimin dhe strehimin e...

Po pse shteti shqiptar është kaq i brishtë?! Si mund t’u besosh rishtarëve të paprovuar?

BEN ANDONI A shpërdorohen rregullisht zgjedhjet tek ne?! Pse përdoret rëndom çdo aset i partisë në fuqi për të fituar? Pse nuk i pranon...

Lajme të tjera

Web TV