Akullorja ka rezultuar pozitive me koronavirus në Kinë, duke ngritur shqetësim mes autoriteteve shëndetësore që po përpiqen të gjurmojnë njerëz që rrezikohen të infektohen
Tre mostra të akullores së prodhuar në vend u gjetën të kontaminuar në bashkinë Tianjin, në veri-lindje të vendit.
Një virolog tha se testimi pozitiv me Covid ka të ngjarë të ketë ndodhur nga kontakti nga njerëzit: “Shanset janë që kjo të jetë rezultat i një problemi me fabrikën e prodhimit dhe potencialisht deri në higjienë në fabrikë. Por nuk ka vend për panik, që çdo kafshatë akullore të ndotet me Covid”.
Rreth 4,836 kuti janë identifikuar të kontaminuara, nga të cilat 2,089 janë mbyllur duke u ruajtur
1,812 u dërgua në provinca të tjera dhe 935 hynë në tregun lokal, por vetëm 65 u shitën, sipas China Daily.
Blerësit të cilët morën një prej tyre – duke përdorur qumështin pluhur nga Ukraina dhe hirrë nga Zelanda e Re – u kërkuan nga zyrtarët shëndetësorë të regjistrojnë lëvizjet e tyre në mënyrë që të gjurmohen infeksionet e mundshme. 1,662 punonjës të ndërmarrjes janë urdhëruar të izolohen dhe nënshtruan testimit. Ky shqetësim shton më tej dilemën nëse ushqimet e tjera mund të infektohen nga virusi.
