IPPR: OBSH dhe Kina mund të vepronin më shpejt kundër COVID-19

113 563 lexime

106,048FansaPëlqeje

Organizata Botërore e Shëndetësisë (OBSH) dhe Kina kanë mundur të reagojnë më shpejt, menjëherë pas paraqitjes së sëmundjes COVID-19, që e shkakton koronavirusi i ri.

Kështu thuhet në raportin e dytë, të Panelit të Pavarur për Gatishmërinë dhe Reagimin ndaj Pandemisë (IPPR). Ky organ është themeluar nga OBSH-ja. Në Asamblenë e 73-të Botërore të Shëndetit në maj 2020, shtetet anëtare miratuan një rezolutë të rëndësishme që i bëri thirrje OBSH-së të fillojë një vlerësim të pavarur dhe gjithëpërfshirës të mësimeve të nxjerra nga reagimi shëndetësor ndërkombëtar ndaj COVID-19.

Sipas raportit të IPPR, një vlerësim i “fazës së hershme të shpërthimit, shfaqi shenja se duhej të veprohej më shpejt”.

Për herë të parë, koronavirusi u zbulua në Vuhan të Kinës në fund të vitit 2019 dhe shumë shpejt u shpërnda në tërë botën duke detyruar Organizatën Botërore të Shendetësisë që të shpall në fillim të vitit 2020 pandeminë e COVID-19.

Që atëherë, shtetet kanë zbatuar masa të ashpra të izolimit dhe ekonomitë e shumë vendeve janë dëmtuar rëndë. SHBA-ja, e ka akuzuar Kinën se ka fshehur informacionet për shkallën e të infektuarve si dhe ka bërë thirrje për një hetim “transparent” për origjinën e koronavirusit.

Kina pretendon se pavarësisht faktit se koronavirusi u paraqit për herë të parë në Vuhan, nuk do të thotë se ai domosdoshmërisht e ka origjinën aty.

Sipas Universitetit, Johns Hopkins, deri më 18 janar mbi 93 milionë njerëz janë infektuar me koronavirus, prej të cilëve mbi 2 milionë kanë vdekur./rel

Të fundit


Rikthehen reshjet, ja si pritet të jetë moti sot

Deri në mesditë mbetemi nën dominimin e kthjellimeve të pakta dhe vranësirave të shpeshta, ku më të dukshme paraqitën në Veri-Veriperëndim të vendit. Pjesa...

Aksident i rëndë në Kashar/ Makina del nga rruga, vdesin 3 pasagjerët (Emrat)

Një aksident tragjik ka ndodhur në orët e vona të mbrëmjes së kaluar në Kodër-Kashar, ku kanë humbur jetën 3 pasagjerë. Makina e drejtuar nga...

Horoskopi ditor, e premte 5 mars 2021

Dashi Ka shumë gjëra që po ndikojnë në vëmendjen tuaj dhe shpesh kalojnë në konfuzion sidomos që prej dates 5 Mars. Demi Ju mund të vuani nga...

Izmir Smajlaj nuk arrin në finale të kërcimit së gjati në Evropianin e Sallave të Mbyllura

Atleti shkodran, vetëm 5 cm larg kufirit që siguronte vendin në 8-shen e që do të garojë për medalje. Është mbyllur që në fazën eliminatore...

Lajme të tjera

Web TV