Kryebashkiaku i Tiranës, Erion Veliaj së bashku me ministren e Bujqësisë Milva Ikonomi kanë zhvilluar një konferencë të përbashkët me administratorët e zonave rurale në Tiranë.
Ishte Veliaj i pari që e njoftoi këtë gjë duke thënë se ky është një lajm i mirë që vjen nga qeveria shqiptare.
“Një lajm i mirë që na vjen këtë fillim viti nga qeveria shqiptare është, që në të gjitha zonat rurale, jo vetëm të Tiranës, por të të gjithë Shqipërisë, është se do të jetë nafta pa taksa dhe pa akcizë për të gjithë ata që punojnë në bujqësi. Ka qenë një kërkesë e vazhdueshme, si nga ju që punoni në njësitë administrative, apo edhe sa herë kemi qenë në terren.
Është një moment i mirë për ta bërë këtë bisedë, në fillim mbaj mend nuk flitej fare për bujqësinë, por mbaj mend para 5 viteve bashkia nuk kishte asnjë kompetencë për bujqësinë. Ajo që shkonte për taksa dhe për akciza, merret produkt për t’i kthyer sytë tek bujqësia”, tha kryebashkiaku ndër të tjera.
