Një zjarr ka përfshirë një stan në fshatin Viron, Finiq në orën 06:15.
Si pasojë e flakëve janë djegur 200 dele dhe një sasi e konsiderueshme produktesh ushqimore.
Policia njofton se zjarri ka qenë aksidental.
“Më datë 22.01.2021, rreth orës 06:15, në fshatin Viron, Finiq, në një stan ka rënë zjarr dhe si pasojë janë djegur rreth 200 bagëti (dele) dhe një sasi e konsiderueshme baze ushqimore. Nga hetimet paraprake dyshohet se zjarri ka rënë aksidentalisht” – njofton policia.
Grupi hetimor po kryen veprimet e mëtejshme për sqarimin e rrethanave të ngjarjes.
