FA në gatishmëri për përballimin e situatës së krijuar nga shiu/ Ministri Peleshi vlerëson maksimalisht punën e tyre

Prej ditësh moti i keq që ka përfshirë Shqipërinë ka sjellë problematika të shumta në disa qytete.

Marrë shkas nga një situatë e tillë, Forcat e Armatosura kanë qenë të angazhuara në terren për t’i ardhur në ndihmë familjeve të prekura.

Punën e tyre e ka vlerësuar maksimalisht Ministri i Mbrojtjes Niko Peleshi, me anë të një postimi në rrjetin social “Facebook” .

“Forcat e Armatosura vazhdojnë punën në terren në ndihmë të komunitetit në zonat ku janë hasur problematika si pasojë e reshjeve apo rrëshqitjes së dherave.

Gjatë këtyre ditëve në zonën e Shkodrës, Lezhës, Tiranës, Durrësit, Pukës, Elbasanit, Fierit janë angazhuar 445 trupa nga Forcat e Armatosura dhe rreth 143 të kalueshmërisë së lartë apo në ndihmë të lundrimit në zonat me prezencë uji”,- shkruan ai.